सभामुखको उम्मेदवार चयन गर्न नेकपाले बोलायो सचिवालय बैठक



काठमाडौँ । सत्तारुढ नेकपाले सभामुखको उम्मेदवार चयन गर्न सचिवालय बैठक बोलाएको छ । अध्यक्षद्वय केपी शर्मा ओली र पुष्पकमल दाहाल प्रचण्डबीच आइतबार बिहान भएको बैठकमा  सचिवालय बैठक बोलाउने सहमति भएको हो ।

नेकपाका अध्यक्षद्वयको बैठकले सभामुखबारे छलफल गर्नका लागि आज अपरान्ह चार बजे सचिवालय बैठक बोलाएको नेकपाका वरिष्ठ नेता माधवकुमार नेपालले जानकारी दिएका छन् ।

सभामुख कृष्णबहादुर महरालाई संसद सचिवालयमा कार्यरत महिला कर्मचारीमाथि यौन दुव्र्यवहारको आरोप लागेपछि असोजदेखि सभामुख पद रिक्त छ । सभामुखको प्रस्ताव अध्यक्ष ओलीले गर्ने कि प्रचण्डले भन्नेमा नेकपामा विवाद छ ।

जसका कारण पुस ४ गते बोलाइएको हिउँदे अधिवेशन पहिलो बैठकपछि पटक पटक सूचना टाँसेर स्थगित भएको छ । सभामुखमा सुवास नेम्वाङ, अग्नी सापकोटा, देव गुरुङ, उपसभामुख शिवमाया तुम्बाहाङ्फेको नाम चर्चामा छ ।

प्रतिनिधिसभा बैठक भोलिका लागि बोलाइएको छ । भोलिको बैठकमा सभामुख निर्वाचन प्रक्रिया अगाडि बढ्ने अपेक्षा गरिएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘अध्यक्ष पद दिने समूहमा जाने’ भनेको होइनः वामदेव गौतम

काठमाडौं । नेपाल कम्युनिस्ट पार्टी (नेकपा) उपाध्यक्ष वामदेव गौतमको विषयमा सार्वजनिक समाचारप्रति उनको

सन् २०२० मा विपद्जन्य घटनाबाट चार हजार ५ सय भन्दा बढीको मृत्यु

काठमाडौं । मुलुकमा सन् २०२० मा विभिन्न घटनाबाट चार हजार ५०४ जनाको मृत्यु

२५० मेगावाट क्षमताको सौर्य ऊर्जा परियोजना निर्माण गरिने

काठमाडौं । देशभित्र हालसम्मकै ठूलो सौर्य परियोजना अगाडि बढ्ने भएको छ । लगानी

संसद विघटनको विरोधमा नेपाली कांग्रेसद्वारा आन्दोलनका थप कार्यक्रम घोषणा

काठमाडौं । नेपाली कांग्रेसले संसद विघटनको विरोधमा आन्दोलनका थप कार्यक्रम घोषणा गरेको छ