गायक निशान भट्टराईको कार दुर्घटनामा परी निधन
काठमाडौं । वरिष्ठ गायक निशान भट्टराईको निधन भएको छ। सोमबार राति दरबार्गस्थित वानथाई रेष्टुरेन्टमा आफ्नो नियमित गायन सकेर निवास फर्कदै गर्दा तीनकुनेमा दुर्घटनामा परी उनको निधन भएको हो ।
दुर्घटनामा घाइते भएका भट्टराईको आज विहान ४ बजे निधन भएको संगीतकार मिलन मोक्तानले जानकारी दिएका छन्। दुर्घटना पछि उनलाई उपचारका लागि वीर अस्पताल लगिएपनि उनलाई बचाउन नसकिएको मोक्तानले बताए। उनका एक छोरा एक छोरी र श्रीमती छन्।
