एमसिसी इन्डो-प्यासिफिककै अंग भएकाले यसलाई नेपालले स्वीकार्नु हुँदैनः मोहनविक्रम सिंह



काठमाडौं । नेकपा मसालका महामन्त्री मोहनविक्रम सिंहले अमेरिकी परियोजना मिलेनियम च्यालेन्ज कर्पोरेशन (एमसिसी) इन्डो प्यासिफिक रणनीतिकै अंग रहेको बताएका छन् ।

बुधबार काठमाडौंमा पहिलो पटक सार्वजनिक कार्यक्रममा उपस्थित हुँदै महामन्त्री सिंहले एमसिसी इन्डो प्यासिफिककै अंग भएको बताएका हुन् । उनले अमेरिकी साम्राज्यवादी स्वरुपको इन्डो प्यासिफिककै अंग भएकाले यसलाई नेपालले स्वीकार्नु नहुने बताए ।

उनले भने,‘एमसिसी इन्डो प्यासिफिकको अंग रहेको कुरा स्वयम् अमेरिकाले पनि स्वीकारिसकेको छ त्यसैले एमसिसी स्वीकार्दा नेपालको परराष्ट्र नीतिको उल्लंघन हुन्छ ।’ एमसिसी अमेरिकी साम्राज्यवादको एउटा स्वरुप भएको कुरामा कुनै शंका नरहेको भन्दै उनले यो आउँदा नेपालको असंलग्न नीतिविपरीत हुने जिकिर गरे ।

महामन्त्री सिंहले कालापानी, लिम्पियाधुरासहितको भूभाग हडपेर भारतले नेपाललाई सिक्किमको बाटोमा लैजान खोजेको आरोप लगाए ।

’कालापानी लिम्पियाधुरा मात्रै होइन, भारतले नेपाललाई सिक्किम बनाउन चाहेको छ’, उनले भने, ’भारतको यही विस्तारवादी नीतिको हामीले विरोध गरेका हौँ। भारतले यसलाई नसच्याएसम्म हामी विरोध गरिरहन्छौँ। भारतको विरोध सत्तामा जानैका लागि भएको होइन। नेपाल विरोधी गतिविधि भइरहेसम्म विरोध जारी रहन्छ।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कामुलाई प्रधानन्यायाधीश सरह सुविधा दिने निर्णयमा प्रधानमन्त्री र मुख्य सचिव दोषी

शारदाप्रसाद त्रिताल । मन्त्रिपरिषदको हालैको निर्णयानुसार कामु प्रधानन्यायाधीशलाई प्रधानन्यायाधीशले पाउने सुविधा दिने गरी

सुदीप गौतम : जसले मर्दी हिमाललाई विश्वमाझ चिनाए

वासुदेव पौडेल, गण्डकी । पछिल्लो समयमा पदयात्रा पर्यटनमा चासो र चर्चा कमाएको गन्तव्य

राजनीतिक दल तथा उम्मेदवारले गर्न पाउने खर्चको सीमा निर्धारण(सूचीसहित)

काठमाडौं । निर्वाचन आयोगले प्रतिनिधिसभा र प्रदेश सभासदस्य निर्वाचनका लागि राजनीतिक दल तथा

कर्णालीमा ५० हजार बढी खसीबोका निर्यात हुँदा ६० करोड आम्दानी

कर्णाली । कर्णाली प्रदेशबाट यो वर्ष दसैंको लागि ५० हजार खसीबोका र भेडाच्याङ्ग्रा