सीपी गजुरेलसहित नेकपा क्रान्तिकारीका १५ नेता कार्यकर्ता पक्राउ
काठमाडौं । मोहन वैद्य किरण नेतृत्वको नेकपा क्रान्तिकारी माओवादी निकट देशभक्त जनगणतान्त्रिक मोर्चा नेपालका प्रमुख सीपी गजुरेलसहित १५ जना कार्यकर्तालाई प्रहरीले पक्राउ गरेको छ ।
उपप्रधान तथा रक्षामन्त्री ईश्वर पोखरेललाई ज्ञापनपत्र बुझाउन सिंहदरबार जान खोज्दा उनीहरु पक्राउ परेका हुन् । पक्राउ पर्नेमा सीपी गजुरेल, परी थापालगायत छन् । जुलुससहित सिंहदरबार जान खोजेका उनीहरुलाई प्रहरीले लाठीचार्ज गर्दा तीनजना घाइते समेत भएका छन् ।
उनीहरुले एमएमसी, लिपुलेक, लिम्पियाधुरा, कालापानी लगायत राष्ट्रियता सवालमा उपप्रधानमन्त्री पोखरेललाई ज्ञानपपत्र बुझाउन खोजेका थिए । पक्राउ परेकाहरुलाई महेन्द्र पुलिस क्लबमा राखिएको छ ।
