गायक रामकृष्ण ढकाल र निलम शाहले गरे सम्बन्ध विच्छेद
काठमाडौं । गायक रामकृष्ण ढकाल र उनकी श्रीमती नीलम शाहबीच सम्बन्ध विच्छेद भएको छ । जिल्ला अदालत काठमाडौंमा गायक ढकाल र श्रीमती निलम शाह ढकालले बुधबार सम्बन्ध विच्छेद गरेका हुन् ।
उनीहरुले मंगलबार जिल्ला अदालतमा सम्बन्ध विच्छेदका लागि मुद्दा दर्ता गराएका थिए । न्यायाधीश विदुर कोइरालाको इजलासले सम्बन्ध विच्छेदको निर्णय सुनाएको हो । ढकाल दम्पतीकी छोरी रानी आमासँग बस्ने तर उनको पठनपाठन र लालनपालन दुवैले गर्ने सहमति भएको छ ।
उनका अनुसार नीलमले रामकृष्णको सम्पत्तिमा दाबी नगर्ने पनि सहमति भएको छ । चाहेको समयमा रामकृष्णले छोरीलाई भेट्ने पनि सहमति भएको छ ।
