धनुषा बम विष्फोटका घाइतेको सम्पूर्ण उपचार खर्च प्रदेश सरकारले बेहोर्ने
जनकपुरधाम । मुख्यमन्त्री लालबाबु राउतले धनुषाको क्षिरेश्वरनाथ नगरपालिका वडा नम्बर ५ महेन्द्रनगर मा शुक्रबार राति भएको बम बिस्फोट घटनाको पीडित परिवारसँग भेट गरेका छन् ।
आइतबार बिहान टोली सहित घटनास्थल पुगेका मुख्यमन्त्री राउतले घाइतेहरुको सम्पुर्ण उपचार खर्च प्रदेश सरकारले ब्यहोर्ने र मृतक परिवारलाई राहत समेत उपलब्ध गराउने बताए ।
मृतक परिवारलाई उपलब्ध गराईने रकम बारे आउदो मन्त्रिपरिषद्को बैठकबाट निर्णय गरिने उनले जानकारी दिए । बम बिस्फोटमा परि प्रहरी निरीक्षक सहित तीन जनाको मृत्यु भएको छ भने ४ जना घाइते भएका छन् ।
घाइतेहरुको धरानस्थित विपी कोइराला स्वास्थ्य विज्ञान प्रतिष्ठानमा उपचार भइरहेको छ ।
