निगजढ अन्तर्राष्ट्रिय विमानस्थल निर्माणको बिकल्पनै छैनः महानिर्देशक पोखरेल
काठमाडौं । नागरिक उड्डयन प्राधिकरणका महानिर्देशक राजन पोखरलेले निगजढ अन्तर्राष्ट्रिय विमानस्थल जुनसुकै हालतमा पनि बन्नुपर्ने बताएका छन् ।
शनिबार रिपोर्टर्स क्लबको साक्षात्कारमा महानिर्देशक पोखरेलले नेपालजस्तो भूपरिवेष्ठित राष्ट्रका लागि अन्तर्राष्ट्रिय सम्पर्कको माध्यम हवाई मार्ग नै उपयुक्त भएकोले पूर्ण क्षमताको विमानस्थल आवश्यक रहेको बताएका हुन् ।
पूर्ण क्षमताको अन्तर्राष्ट्रिय विमानस्थल बनाउने विकल्प भएर पनि त्यतातिर किन नलाग्ने भन्दै उनले प्रश्न गरे । त्रिभुवन अन्तर्राष्ट्रिय विमानस्थल र निर्माणधीन पोखरा तथा गौतमबुद्ध अन्तर्राष्ट्रिय विमानस्थल पूर्ण क्षमताका नभएको उल्लेख गर्दै महानिर्देशक पोरखेलले निजगढ विमानस्थल निर्माणको विकल्प नभएको बताए ।
