पूर्वराजाद्वारा प्रधानमन्त्रीको स्वास्थ्य लाभको कामना
काठमाडौं । पूर्वराजा ज्ञानेन्द्र शाहले प्रधानमन्त्री केपी शर्माओलीको सिघ्र स्वास्थ्य लाभको कामना गरेका छन् । आफ्ना निजी सचिव पशुपतिभक्त महर्जनमार्फत पूर्वराजा शाहले प्रधानमन्त्री ओलीको सिघ्र स्वास्थ्य लाभको कामना गरेका हुन् ।
पूर्वराजा शाहको स्वास्थ्य लाभको कामना लिएर सचिव महर्जन मंगलबार मनमोहन अस्पताल पुगी प्रधानमन्त्री ओलीलाई भेट गरेका र सो अवसरमा पूर्वराजाको तर्फबाट स्वास्थ्य लाभको कामना गरेको सन्देश सुनाएर फर्किएका थिए ।
पूर्वराजा शाहको प्रतिनिधित्व गर्दै सचिव महर्जनले प्रधानमन्त्रीको उपचार र स्वास्थ्य अवस्थाबारे जानकारी लिएका थिए । पूर्व महाराजले प्रधानमन्त्री ओलीको सिघ्र पूर्ण स्वास्थय लाभको कामना पनि गरेका थिए ।
स्वास्थ्यमा अचानक आएको समस्याले मंगलवार बिहान देखि नै प्रधानमन्त्री महाराजगन्जस्थित मनमोहन अस्पतालमा उपचाररत छन् । प्रधानमन्त्रीको पछिल्लो स्वास्थ्य अवस्था राम्रो रहेको अस्पतालले जनाएको छ ।
