प्रचण्डले भने -प्रदेश तीनको राजधानी र नाम केही दिनभित्रै टुंग्याउनुस्
काठमाडौं । नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले प्रदेश तीनको राजधानी र नामाङ्कनको विषय छिटो टुङ्ग्याउन मुख्यमन्त्री डोरमणि पौडेललाई आग्रह गरेका छन् ।
हेटौंडामा मंगलबार आयोजित कार्यक्रममा अध्यक्ष प्रचण्डले अब यही विषयमा अड्केर बस्ने समय नरहेको उल्लेख गर्दै राजधानी र नामको विषय सकेर विकास निर्माणमा केन्द्रित हुन आग्रह गरे ।
उनले भने ‘अब राजधानी र नाम केही दिनभित्रै टुंग्याउनुस्, अरु बिकल्प नै छैन ।’ उनले कतिपय कानून बनिसकेका र कतिपय बन्न बाँकी रहेकाले अब विकास निर्माणले छलाङ मार्ने बताए । उनले नेपालको विकासको गति सन्तोषजनक रहेको विदेशी एजेन्सीले बताइरहेको समेत बताए।