मेडिसिटी अस्पतालका चिकित्सक यौन दुव्र्यवहारको आरोपमा पक्राउ
काठमाडौँ । नेपाल मेडिसिटी अस्पतालमा कार्यरत चिकित्सक डा. रोहितकुमार झा यौन दुव्र्यवहारको आरोपमा पक्राउ परेका छन् ।
महानगरीय प्रहरी परिसर ललितपुरका एसएसपी टेकप्रसाद राईका अनुसार डा. झालाई सोमबार साँझ अस्पतालबाटै नियन्त्रणमा लिइएको छ ।
प्रहरीका अनुसार आइतबार सामान्य स्वास्थ्य जाँचका लागि अस्पताल पुगेकी एक युवतीलाई आकस्मिक कक्षसँगैको कोठामा झाले बलात्कार प्रयास गरेको आरोप लागेको छ ।
उपचारका लागि अस्पताल पुगेकी ती युवतीले आफूलाई डा. झाले यौन दुव्र्यवहार गरेको किटानी जाहेरी आइतबार नै दिएकी थिइन् । झालाई मंगलबार अनुसन्धानका लागि म्याद थप गर्न अदालतमा पेश गरिने छ ।
