विकासमैत्री कानुन निर्माणको माग गर्दै निर्माण व्यवसायी धर्नामा
काठमाडौं ।‘सार्वजनिक खरिद नियमावली, २०७६’ को आठौं संशोधनका केही बुँदामा आपत्ति जनाउँदै आन्दोलनरत नेपाल निर्माण व्यवसायी महासंघले सोमबार प्रधानमन्त्री निवास बालुवाटामा धर्ना दिएको छ ।
महासंघले सोमबार बिहान बालुवाटारस्थित प्रधानमन्त्री निवास अगाडी एकघण्टा धर्ना दिएको हो । हातमा कालो पट्टि बाधेर धर्नामा बसेका निर्माण व्यवसायीहरुले विकास आयोजनाहरुको म्याद थप, बैंक क्रेडिट लाइन लगायतका २५ बुँदे माग सम्बोधन गर्नका लागि सरकारलाई दवाव दिन धर्नामा बस्नु परेको बताएका छन् ।
महासंघका अध्यक्ष रवि सिंहले सो नियमावली संशोधन गर्ने प्रधानमन्त्री केपी शर्मा ओलीले जनाउनु भएको प्रतिवद्धता ४ महनिा पूरा हुँदा पनि कार्यान्वयनमा नआएकाले आन्दोलनमा जानु परेको बताए ।
महासंघले नियमावली संशोधन नभए दोस्रो चरण अन्तर्गत कालोझण्डा सहित प्रदर्शन गर्ने, आयोजनाको इजाजतपत्र सरकारलाई बुझाउने, ठूला उपकरण सडकमा प्रदर्शन गर्ने, टेण्डर बहिस्कार गर्नेलगायतका कार्यक्रमहरु सार्वजनिक गरिसकेको छ ।
