निर्माण व्यवसायीका माग पूरा गर्ने मन्त्री नेम्वाङको आश्वासन
काठमाडौं । नवनियुक्त भौतिक पूर्वाधार तथा यातायात मन्त्री वसन्तकुमार नेम्वाङले निर्माण व्यवसायीका समस्या समाधान गर्ने आश्वासन दिएका छन् ।
शुक्रबार नेपाल निर्माण व्यवसायी महासंघका प्रतिनिधिहरुसँगको भेटमा मन्त्री नेम्वाङले सार्वजनिक खरिद नियमावलीको आठौं संशोधनमाथि अध्ययन गरी व्यवसायीहरुको समस्या समाधान गर्ने आश्वासन दिएका हुन् ।
कुनैपनि नीति निर्माण गर्दा वैज्ञानिक ढंगले गरिने भएकाले व्यवसायीहरुको मागप्रति आफ्नो ध्यानाकर्षण भएको उनले बताए र निर्माण व्यवसायीहरुले नवनियुक्त मन्त्री नेम्वाङलाई ज्ञापनपत्र बुझाउँदै सार्वजनिक खरिद नियमालीको आठौं संशोधनपछि आफूहरु कुनैपनि विकास निर्माणका काम गर्न नसक्ने अवस्थामा पुगेको बताएका थिए ।
उनीहरुले बैंक क्रेडिट राख्नु पर्ने व्यवस्थामाथि पुनर्विचार गर्नसमेत आग्रह गरेका छन् । निर्माण व्यवसायीहरुले एकसाता देखि सार्वजनिक खरिद नियमावली २०७६ को आठौं संशोधनले व्यवसायीहरु मारमा परेको भन्दै विभिन्न मागसहित आन्दोलन गरिरहेका छन् ।
