नयाँ मन्त्रीहरुको नाम टुंगो लगाउन नेकपाको सचिवालय बैठक बस्दै
काठमाडौं । नयाँ मन्त्रीहरुको नामावली टुंगो लगाउन आज नेकपा सचिवालय बैठक बस्दैछ । बिहान ९ बजेपछि प्रधानमन्त्री निवास बालुवाटारमा नेकपा सचिवालय बैठक बोलाइएको छ ।
प्रधानमन्त्री केपी शर्मा ओलीले मंगलबार मन्त्रिपरिषद्को बैठकमा मन्त्री हेरफेरको जानकारी गराएका थिए । मन्त्रिपरिषद् बैठकको अन्त्यमा प्रधानमन्त्री केपी शर्मा ओलीले मन्त्री हेरफेर गर्ने औपचारिक जानकारी दिए ।
त्यसो त पार्टी अध्यक्षसमेत रहेका प्रधानमन्त्री ओलीले आइतबारको सचिवालय बैठकमा मन्त्रिपरिषद् पुनःगठन गर्न लागेको जानकारी गराएका थिए । त्यसपूर्व पनि प्रधानमन्त्री ओलीले मन्त्री हेरफेरबारे पार्टीका शीर्ष नेतासँग परामर्श पनि गरेका थिए ।
