जब नागरिकसँगै नाचे पूर्वराजा ज्ञानेन्द्र
काठमाडौं । प्रकृति प्रेमी र साहित्यिक रूझानका पूर्वराजा ज्ञानेन्द्र शाहले राजधानीमा नाचेर आफूलाई संगीत प्रेमीका रूपमा पनि प्रस्तुत गरेका छन् ।
रातो र चन्द्र सूर्यलगायतका गीतमा राजा ज्ञानेन्द्र पूरै जिउ मर्काउँदै, हात हल्लाउँदै आमदर्शकसँगै खुलेर नाचेका दृश्यहरू अहिले सामाजिक सञ्जालमा भाईरल भएका छन् ।
एक रात्रिकालिन समारोहका दौरान परिवारका सदस्यसहित सहभागी उनीसँग नागरिकहरू खुसीसाथ हात समाई समाई नाचेका दृश्यहरू सामाजिक सन्जालमा आएका छन् ।
रसिक मुडमा देखिएका पूर्व राजा शाहले नागरिकसँग हातमा हात समातेर नाच्दै, गीत गाएको तथा उन्मुक्त भएर गीत संगीतमा झुमेको समेत दृश्यहरूमा देखिन्छ ।
कुनै पनि समारोहमा यसरी खुलेर नाच्नु, गाउनु र नागिरकसँग रमाउनु भएको यो पहिलो दृश्य भएकोले पनि हुनसक्छ, सामाजिक सन्जाल पूर्व राजाको नाचमय भएको देखिन्छ ।
