म गम्भीर सिकिस्त विरामी चाहिं भएको होइनः प्रधानमन्त्री



काठमाडौं । प्रधानमन्त्री केपी शर्मा ओलीले आफू सिकिस्त विरामी नभएको बताएका छन् । शनिबार पार्टीको सचिवाल बैठकमा प्रधानमन्त्री ओलीले आफ्नो स्वास्थ्य अवस्थाबारे ब्रिफिङ गर्दै सिकिस्त विरामी भने नभएको बताएका हुन् ।

प्रवक्ता नारायणकाजी श्रेष्ठले प्रधानमन्त्रीको भनाई उदृत गर्दै भने, ‘प्रधानमन्त्रीज्यूले स्वास्थ्यका बारेमा जानकारी गराउनुभएको छ, म गम्भीर सिकिस्त विरामी भएको होइन, समस्या आएर डायलासिस गराउनु भएको तपाइँहरुले थाहै पाउनु भएको छ।’

प्रवक्ता श्रेष्ठले सबै रिपोर्ट आएपछि के गर्ने भन्ने बारेमा निर्णय लिइने बताए । प्रधानमन्त्रीले आफ्नो उपचारमा अबको विकल्प नियमित डायलासिस र प्रत्यारोपण मात्र भएको समेत पार्टीका नेताहरुलाई ब्रिफिङ गरेका थिए ।

प्रधानमन्त्री ओलीको १२ वर्षअघि मिर्गौला प्रत्यारोपण गरिएको थियो । त्यसयता नियमित औषधि खाइरहेका उनी १८ साउनमा स्वास्थ्य परीक्षणका लागि सिंगापुर गएका थिए । त्यसपछि फेरि उनी भदौ पाँचमा सिंगापुर गएका थिए ।

त्यहाँ उनको नेशनल युनिभर्सिटी अस्पतालमा प्लाज्मा फोेरेसिस प्रक्रियामार्फत रगतमा भएको ‘एन्टीबडी’ निकालिएको थियो । त्यसपछि गत बुधबार ग्राण्डी अस्पतालमा भर्ना भएका प्रधानमन्त्रीको दुई पटक डायलासिस गरिएको थियो । उनको अझै डायलासिस गर्ने तयारी गरिएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
त्रिचन्द्र क्याम्पसमा मनोवैज्ञानिक परामर्श मेला आयोजना

काठमाडौं । त्रिभुवन विश्वविद्यालय त्रिचन्द्र बहुमुखी क्याम्पसमा परामर्श मनोविज्ञानमा अध्ययनरत विद्यार्थीहरूले विविध क्रियाकलापका

निवर्तमान गभर्नर महाप्रसाद अधिकारीविरुद्ध सर्वोच्चमा रिट दायर

काठमाडौं । नेपाल राष्ट्र बैंकको गभर्नर सिफारिस समितिका सदस्य महाप्रसाद अधिकारीविरुद्ध सर्वोच्च अदालतमा

गभर्नर सिफारिस समितिबाट पौडेलले दिए राजीनामा, गभर्नर बन्ने लगभग पक्का

काठमाडौं । गभर्नर सिफारिस समितिका सदस्य डा. विश्व पौडेलले राजीनामा दिएका छन् ।

सगरमाथालाई नजिकैबाट नियाल्न गौरीटाप

गौरीटाप (सोलुखुम्बु) । बिहानको चिसो सिरसिर हावामा कालोचियाको चुस्की लिँदै गौरीटापमा अघिल्लो रात