प्रधानमन्त्री आउँदा उडान रोकेको भन्दै यात्रुले गरे त्रिभुवन विमानस्थलमा नाराबाजी, फोटोमा हेर्नुस्
काठमाडौं । प्रधानमन्त्री केपी शर्मा ओली अजरबैजानको बाकुबाट स्वदेश फर्किने क्रममा त्रिभुवन अन्तर्राष्ट्रिय विमानस्थलमा ओर्लिंदा केहीबेर उडान अवतरण बन्द गरिएको भन्दै यात्रुले विरोध प्रदर्शन गरेका छन् ।
यात्रु चढाएर धावानमार्ग जाँदै गरेको श्रीएयरलाइन्सको जहाजको इन्जिन नै बन्द गर्न निर्देशन दिइएपछि आक्रोशित यात्रुहरुले ओर्लिएर विरोध जनाएका हुन् ।
स्थिति असामान्य भएपछि प्रहरी नै बोलाउनु परेको थियो । काठमाडौंबाट भद्रपुरको उडान भर्न लागेको विमानका यात्रुहरु भीभीआईपी उडानका कारण दुःख पाएको भन्दै ओर्लिएर विरोध जनाएका हुन् । प्रधानमन्त्री ओली अजरबैजान जाँदा पनि उडान अवतरण बन्द गरिएको थियो ।
