प्रहरीले सरकारी वकिल कार्यालयलाई बुझायो महराविरुद्धको अनुसन्धान प्रतिवेदन, अब के हुन्छ ?
काठमाडौँ । निवर्तमान सभामुख कृष्णबहादुर महरामाथि लागेको बलात्कार प्रयासको आरोपको प्रहरी अनुसन्धान प्रतिवेदन काठमाडौँ जिल्ला सरकारी वकिल कार्यालयलाई बुझाइएको छ ।
काठमाडौँ प्रहरी प्रमुख एसएसपी उत्तम सुवेदीले प्रहरीले अनुसन्धानको फाइल सरकारी वकिल कार्यालयलाई शुक्रबार जिम्मा लगाएको जानकारी दिएका छन् ।
अब सरकारी वकिल कार्यालयले प्रहरीको अनुसन्धान प्रतिवेदन अध्ययन गरेर मुद्धा चलाउने की नचालउने निर्णय गर्ने छ । अब सरकारी वकिल कार्यालयले तिहारलगत्तै अभियोग पत्र दर्ता गर्नुपर्ने छ ।
संसद सचिवालयमा काम गर्ने महिला कर्मचारीले बलात्कार प्रयासको आरोप लगाएपछि महराले पदबाट राजीनामा दिएका थिए । प्रहरीले गत असोज १९ गते महरालाई सरकारी निवासबाट पक्राउ गरेको थियो।
पीडित भनिएकी रोशनी शाहीले भने अदालतमा निवेदन दिँदै महराबाट कुनैपनि किसिमको दुव्र्यवहार नभएको उल्लेख गरेकी छन् ।
