प्रधानमन्त्रीलाई मुस्कानको पत्रः हजुरको ठाउँमा म भइदिएको भए त्यो अपराधीलाई फाँसी दिन्थेँ



काठमाडौं । डेढ महिनाअघि तेजाब आक्रमणमा परेकी १४ वर्षीया मुस्कान खातुन अन्सारीले प्रधानमन्त्री केपी शर्मा ओलीलाई चिठी लेखेकी छन्।

कीर्तिपुर अस्पतालमा उपचाररत मुस्कानले उक्त चिठी मार्फत् आफू प्रधानमन्त्रीको ठाउँमा भएको भए तेजाब प्रहार गर्नेहरूलाई फाँसी दिने बताएकी छन्।

मिति: २०७६/८/५

माननीय प्रधानमन्त्रीज्यू,

म मुस्कान खातुन अन्सारी,

मेरो तर्फबाट नमस्ते। म एउटा तेजाब आक्रमणको नानी। हजुरलाई एउटा सानो चिठी। यो घटना मसँग घटिएको हो। यो घटनाको पीडा भनेको ठूलो घटना हो। पहिला जेनी खड्का र संगिता मगर तेजाब आक्रमण भए बेला कडा भन्दा कडा कानुन भइदिएको भए आज म यो अस्पतालको बेडमा हुन्थिनँ होला।

प्रधानमन्त्रीज्यू हजुरको दुई तिहाई बहुमतको सरकार छ। हजुरको ठाउँमा म भइदिएको भए त्यो अपराधीलाई फाँसी दिन्थेँ। यसपालि ठूलोभन्दा ठूलो सजाय पाओस् ताकि म जस्तो एउटा बालिका या चेलीबेटी वा कसैमाथि तेजाब आक्रमण नहोस्। मैले जति पीडा खपेको छु, त्यो पीडा अरू कोही माथि पनि नहोस्। यो पीडा भनेको सानो पीडा होइन। एउटा देशकै ठूलो पीडा हो। आमा र बुवाको पीडा पनि धेरै ठूलो पीडा हो।

यो पीडा कसैको आमाबुवाले खप्न नपरोस्। त्यो दोषीलाई यसपालि ठूलो सजाय होस्। मेरो हजुरसँग बिन्ती र अपेक्षा छ। हजुरसँग मेरो एउटा अनुरोध छ कि मेरो पीडा बुझिदिनु होस्।

यो घटना कसैमाथि नहोस् र कोही पनि तेजाब आक्रमण भएको चेलिबेटी अस्पताल नआओस् भन्ने अनुरोध छ।

धन्यवाद।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
क्रियाशील सदस्यता विवाद समाधानका लागि समितिलाई २४ घण्टाको समय

काठमाडौं । नेपाली कांग्रेसको क्रियाशील सदस्यता विवाद समाधान गर्नका लागि २४ घण्टाको समय

कोरोना संक्रमणबाट ३३ जनाको मृत्यु, १९९३ जना संक्रमणमुक्त

काठमाडौं । नेपालमा थप २६३४ जनामा कोरोना संक्रमण पुष्टि भएको छ । स्वास्थ्य

कक्षा १२ को परीक्षाअगावै विद्यार्थीलाई खोप दिन संसदीय समितिको सुझाव

काठमाडौँ । संसदीय समितिले कक्षा १२ का विद्यार्थीलाई परीक्षाअघि खोपको व्यवस्था गर्न सरकारलाई

पुनर्बहालीको माग गर्दै पूर्वमाओवादीका चार नेताद्वारा सर्वोच्चमा रिट

काठमाडौँ । संसदीय समितिले कक्षा १२ का विद्यार्थीलाई परीक्षाअघि खोपको व्यवस्था गर्न सरकारलाई