र्यापर भिटेन पक्राउ
काठमाडौं । ’हामी यस्तै त होनि ब्रो’ भन्ने र्यापबाट चर्चामा आएका भिटेन उर्फ समीर घिसिङलाई प्रहरीले पक्राउ गरेको छ। महानगरीय अपराध महाशाखाको टोलीले उनलाई जावलाखेलबाट पक्राउ गरेको हो ।
उनले गाएको गीतमा ’प्रहरी जेल भित्र गाँजा खाँदै मस्ती’, प्रहरी पोशाक लगाएर प्रहरीलाई डण्ठे शब्द प्रयोग गरेका थिए । उनलाई कानुनी कारबाहीका लागि अगाडी बढाइएको प्रमुख एसएसपी सहकुल थापाले जानकारी दिए ।
केही दिनअघि मात्रै अर्का गायक दुर्गेश थापाले निकालेको तिहार विशेष गीत मार्फत सामाजिक संस्कार खलबल्याउने कार्य भएको उजुरी आएपछि प्रहरीले पक्राउ गरेको थियो ।