जनकपुरमा एक व्यवसायीको गोली हानी हत्या
जनकपुरधाम । जनकपुरमा एकजना व्यापारीको गोली हानी हत्या भएको छ । जनकपुरधाम उपमहानगपालिका वडा नम्बर एकका मनोज साहको गोली हानी हत्या गरिएको हो ।
निर्माण व्यावसायी साहमाथि जनकपुरको मुजेलियामा स्थानीय पंकज चौधरीले गोली प्रहार गरेका हुन् । उनलाई बन्दुकसहित प्रहरीले नियन्त्रणमा लिएको छ । गोली लागेर साहको घटनास्थलमै मृत्यु भएको थियो ।
साह जनकपुरस्थित शिव आयल पेट्रोल पम्पका सञ्चालक हुन् । साहको शव जनकपुर अञ्चल अस्पतालमा राखिएको छ । प्रहरीको प्रारम्भिक अनुसन्धानमा साहमाथि लेनदेन विवादमा गोली प्रहार भएको देखिएको छ ।
