सांसद साहलाई चार दिन थुनामा राख्न अदालतको अनुमति



जनकपुरधाम । सांसद प्रमोदकुमार साहलाई चार दिन म्याद थपेर अनुसन्धान गर्न जिल्ला अदालत धनुषाले प्रहरीलाई अनुमति दिएको छ ।

प्रहरीले साहलाई बुधबार जिल्ला अदालतमा पेस गरेर अनुसन्धानका लागि १० दिनको समय मागेको थियो । सांसद साहलाई जिल्ला अदालत धनुषामा सवा १० बजे लगिएको थियो । बा२झ ४४७७ नम्बरको प्रहरी भ्यानमा उनलाई अदालतमा लग्दा उनको हातमा हतकड़ी थिएन ।

यता, राजपाका कार्यकर्ताले सांसद साहको रिहाइको माग गर्दै जनकपुरधामको विभिन्न स्थानमा प्रदर्शन गरेका छन् । उनीहरुले रामनन्द चोकमा टायर वाली चक्काजाम समेत गरेका छन् ।

प्रदर्शनकारीले वुद्ध एयरको कदम चोकस्थित कार्यालयमा तालाबन्दी गरेका छन् । सांसद साहले बुद्ध एयरको विमान उड्न ढिलो गरेको भन्दै सोमवार जनकपुर विमानस्थलको विशिष्ट कक्ष र बुद्ध एयरको काउण्टरमा तोडफोड गरेका थिए ।

तोडफोडपछि उनलाई त्रिभुवन विमानस्थलमा मंगलबार पक्राउ गरी जनकपुरधाम ल्याइएको छ । म्याद थपपछि अदालत परिसरमा पत्रकारलाई संक्षिप्त प्रतिक्रिया दिँदै सांसद साहले अदालतले गर्ने निर्णय आफूलाई स्वीकार्य हुने र अदालतले गरेको कुराको जनताले मूल्यांकन गर्ने बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
भिजिट भिसाको दुरुपयोग गर्नेहरुमाथि कडा निगरानी गर्न गृहमन्त्रीको निर्देशन

काठमाडौं । गृहमन्त्री बालकृष्ण खाँणले भिजिट भिसाको दूरुपयोग नगर्न नेपाली नागरिकहरुलाई आग्रह गरेका

सरकारलाई सिटामोललगायतका अतिआवश्यक औषधि उपलब्ध गराउन सर्वोच्चको आदेश

काठमाडौं । सर्वोच्च अदालतले सिटामोल र पारासिटामोलजस्ता अतिआवश्यक औषधि सहजरुपमा उपलब्ध गराउन सरकारको

गैँडाको मृत्यु भएको सम्बन्धमा छानबिन गर्न कार्यदल गठन

काठमाडौं  । वन तथा वातावरण मन्त्रालयले यही माघ १० गते चितवन राष्ट्रिय निकुञ्जको

निजी क्षेत्रलाई प्रधानमन्त्रीको आग्रहः स्वदेशमै मल कारखानाजस्ता सरकारका प्राथमिकताका क्षेत्रमा लगानी गर्नुस्

काठमाडौं । प्रधानमन्त्री शेरबहादुर देउवाले अफगानिस्तानमा खाद्यान्न सङ्कट र कठ्याङ्ग्रिदो चिसो बढेका बेला