ज्ञानेन्द्र शाहीमाथि चितवनमा आक्रमण
चितवन । आफूलाई भ्रष्टाचार विरोधी अभियन्ता भन्ने ज्ञानेन्द्र शाहीमाथि चितवनमा आक्रमण भएको छ । कार्यक्रमस्थल जाने क्रममा शनिबार दिउँसो चितवनको ग्लोबल होटलबाट निष्किने क्रममा शाहीमाथि आक्रमण भएको हो ।
पाँच/छ जनाको संख्यामा आएको समूहले शाही माथि आक्रमण गरेको हो । आक्रमणबाट उनी घाइते भएका छन् । शाही चढेको माइक्रोबसमा पनि आक्रमणकारीले तोडफोड गरेका छन् ।
चितवनको चौविसकोटीमा आयोजना गरिएको कार्यक्रमलाई शाहीले सम्बोधन गर्ने तयारी गरिरहेका थिए ।