बाजुराका कुशल कार्कीले टप गरे इन्जिनियरिङ्ग स्नातक प्रवेश परीक्षा
काठमाण्डाै, इन्जिनियरिङ्ग अध्ययन संस्थानले लिएकाे शैक्षिक सत्र २०७९।८० काे स्नातक प्रवेश परीक्षाकाे नतिजा प्रकाशित भएकाे छ । झण्डै दश हजार विद्यार्थी सहभागि रहेकाे परीक्षामा ६७२२ जना विद्यार्थीहरु उत्तिर्ण भएका छन् ।
इन्जिनियरिङ्ग अध्ययन संस्थान अन्तर्गत आंगीक र सम्बन्धन प्राप्त कलेज गरी १५ कलेजमा ४३४४ सिट रहेका छन् । सर्वाेत्कृष्ट अंक सहित बाजुराका कुशल कार्कीले एक नम्बरमा नाम निकाल्न सफल भएका छन् । त्यस्तै अमृत बास्काेटा र दिव्य राज यादव क्रमशः दाेस्राे र तेस्राे स्थान हासिल गर्न सफल भएका छन् । उत्कृष्ट अंक ल्याएर तेह्राैँ नम्बरमा नाम निकाल्न सफल प्रशंसा श्रेष्ठ महिला तर्फ एक नम्बरमा नाम निकाल्न सफल विद्यार्थी हुन् ।
काठमाण्डाैकाे ट्रिनिटी इन्टरनेशनल कलेजमा कक्षा ११ र १२ अध्ययन गरेका कार्कीले १ वर्ष अघि देखि थापाथली स्थित पिइएमा प्रवेश परीक्षाकाे तयारी समेत गरेका थिए ।
