हामीलाई यतिबेला रुपान्तरणसहितको जनताको पार्टी चाहिएको हो
रामप्रसाद सापकोटा ।
पार्टीमा संघर्ष छ । कुन्नि कति भाईका नाममा दाेस्रो धार पनि छ – एकता जोगाऊँ भन्दै हिडेको । मेरो बिचारमा एकता र संघर्षकोमात्रै कुरा गर्नु निरपेक्षता हो । यि दुबै पक्षले लेनदेनको कुरामात्रै गर्दैछ, रुपान्तरणको कुरा गरेकै छैन, मुख्य कुरा पार्टीको रूपान्तरण हो ।
पार्टी नेताहरुको र सरकारको रूपान्तरण नहुने र यस्तो मनपरितन्त्र चलाउने हो भने यो पार्टी एकतावद्द रहेपनि जनताको पार्टी रहने छैन । रूपान्तरण नहुने हो भने कोहि बसेर या हटाएर पनि काम छैन !
दाेस्रो धारका नेताहरुलाई सुझाव,
खासमा बिचार, राजनीति, संगठनात्मक प्रश्नका कारण यो धार बनेको होइन । यो पनि स्वार्थलाई केन्द्रमा राखेर बनेको अस्थायी धार हो ।
यो धारमा व्यक्तिनैपिच्छेका फरक स्वार्थ छन् । यसका कैयंन नेता ठुलाहरूद्वारा परिचालित छन् । केहिलाई पुरानो ईगोको नेतासँग बदला लिनुछ । दिउसभरि तेस्रो धारको नारा बोकेपनि साँझपख मुलघर फर्केर आफ्नैको स्याहार गर्नुपर्ने वाध्यता बुझेका छौं ।
मुल कुरा- संघर्ष र एकता निरपेक्ष हुँदैन । यि दुबैको ध्येय रुपान्तरण हुनुपर्छ । हामीलाई यतिबेला रुपान्तरण सहितको जनताको पार्टी चाहिएको हो । हजुरहरु सबैले खोजेजस्तो पार्टी होईन ।
