सडकमा सुतेर गरे युवाहरुले सरकारको विरोध
काठमाडौं । सडक पेटीमा सुतेर युवाहरुले सरकारको विरोध गरेका छन् । शहिदगेट–सुन्धारा क्षेत्रमा शनिबार युवाहरुले कोरोनाको संकटको बेलामा पनि सरकारले भ्रष्टाचार गरेको, प्रधानमन्त्री आफैं डाक्टर जस्तो बनेर कोरोनाबाट जोगिन बेसार–पानी खान सल्लाह दिएको भनेर युवाहरुले विरोध गरेका हुन् ।
पीसीआर परीक्षणको दायरा बढाउनुपर्ने, कोरोनाविरुद्ध फ्रन्टलाइनमा खटिएका चिकित्सक, स्वास्थ्यकर्मी र अस्पतालहरुको सुरक्षामा ध्यान दिन सरकारको ध्यानाकर्षण गराएका छन् । उनीहरु शरीरभरि बेसार छरेर भुइँमा लम्पसार परेर र सुतेर विरोध जनाएका थिए ।