सांसद विकास कोषलाई बजेटबाट हटाउन सरकारलाई भन्ने आँट गर्नुपर्छः गगन थापा



काठमाडौं । नेपाली कांग्रेसका सांसद गगन थापाले सांसदहरूले स्थानीय पूर्वाधार कोषको नामबाट वडा अध्यक्ष जस्तो पैसा लिन थालेदेखि स्थिति खस्किएको बताएका छन् । प्रतिनिधिसभाको शनिबारको बैठकमा थापाले सांसदहरूले विकासका नाममा बजेट नलिएर नीति निर्माताका रूपमा आफूलाई प्रस्तुत गर्नुपर्ने बताएका हुन् ।

उनले बजेट निर्माणमा संसदको, विधायकको विचार र धारणाको विषयमा कहिले पनि छलफल नभएको बताए । उनले भने, ‘बजेट निर्माणमा संसदको भुमिका के त्यसबारेमा खै छलफल गर्यौं त ? हामी चुरोटको खोलमा योजना लेखेर मन्त्रीको ढोकामा पुग्यौं, कहिले आफ्नो लेटर प्याडमा लेखेर पुग्यौं । अहिले पहिलाको भन्दा स्थिति झन विग्रियो ।’

उनले सांसद विकास कोषलाई बजेटबाट हटाउन सरकारलाई भन्ने आँट गर्नुपर्ने बताए । विगत वर्षको बजेटमा गरिएका बाचाहरु कुनैपनि पुरा नभएको भन्दै उनले आधारभूत स्वास्थ्य सेवा, आकस्मिक स्वास्थ्य सेवा, स्वास्थ्य बीमाको बारेमा गरिएका बाचाहरु कुनै पनि पुरा नभएको बताए । उनले स्वास्थ्य बीमाका बारेमा सरकारले नबुझेको भन्दै यो संकटपछि संसदमै फेरि छलफल गर्नुपर्ने बताए ।

अहिले सरकारले २४ वटा प्रयोगशाला बनाएको दाबी गर्ने सरकारले जम्मा पाँच वटा पीसीआर मेसिन किनेको भन्न हिच्किचाउन नहुने बताए । त्यस्तै सरकारले जम्मा २५ हजार पीसीआर किट किनेको र बाँकी सबै उपहार र दानमा पाएकोबाट परीक्षण भइराखेको बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
एमाले चितवनको अध्यक्षमा पाठक निर्वाचित

भरतपुर (चितवन) । नेकपा (एमाले) चितवनको अध्यक्षमा कमलराज पाठक निर्वाचित भएका छन् ।

सहकारी ठगीमा सङ्लग्नलाई कारबाही गर्ने कार्यदेश पाएपछि व्यक्तिको नाम राखेनौंः रमेश लेखक

काठमाडौँ । नेपाली कांग्रेसले सहकारीको रकम अपचलनका विषयमा उठाउँदै आएका मागको मुख्य उद्देश्य

बजेट कार्यान्वयनका लागि पहिलाको भन्दा अलि गतिका साथ काम गर्नुपर्छः उपसभापति वाग्ले

काठमाडौँ । राष्ट्रिय स्वतन्त्र पार्टीका उपसभापति डा स्वर्णीम वाग्लेले आय र व्ययको अनुमान

बजेट उत्साहित हुने खालको छैन : कांग्रेस

काठमाडौँ । प्रमुख प्रतिपक्षी दल नेपाली कांग्रेसले सरकारद्वारा आगामी आर्थिक वर्ष २०८१ /८२