१ लाख २३ हजार टेष्टिङ किट सांसदका लागि?
सुरेश आचार्य ।
संसद सचिवालयका कर्मचारी, सांसद, प्रधानमन्त्री, मन्त्रीहरू र राष्ट्रपतिलाई समेत आइसोलेसनमा राख्नु पर्यो, जो बटुवा,उही बाटो …….. भएको उदाहरण त देखाउनु भएन नि, जनतालाई ! प्रधानमन्त्रीले टेष्टिङ्ग नै गर्दैनन् भन्ने पनि सुनिएको छ !!
ती सबैलाई संघीय संसदमा काम सकिएपछि भद्रकालीमा नेपाली सेनाले बनाएको क्वारेन्टाइनमा लगेर बास बसाउनु पर्यो । अनि, संसद अधिवेशनभरी भोलिपल्ट पनि त्यही रीत अपनाउनु पर्यो । टेष्टिङ किटको अभाव भएको यस्तो आपतकालमा दिनदिनै १००० वटा टेष्टिङ्ग किट रद्दी बनाउने ? यस्तो गर्यो भने, संसद बैठक हुने जम्मा १२३ दिनमा दैनिक १००० का दरले १,२३,००० वटा टेष्टिङ किट देशलाई नोक्सान हुनेछ । अव प्रदेश सभामा त यस्तै हो भने ३ लाख टेष्टिङ किट चाहिने हुन्छ ! देश त घुमाइफिराई यिनीहरूले नै डुबाउने भए !!
१ लाख २३ हजार गरिव जनताको कोरोना टेष्टिङ्ग गरेर राहत दिनुपर्नेमा, यीनीहरूलाई किन खर्च गर्ने राज्यले ? होइन भने, अमेरिकामा जस्तै टेष्टिङको सम्पूर्ण खर्च यिनीहरूबाटै उठाइयोस् ! नत्र, जनताले सांसदलाई पक्रिदै सेनाको क्वारेन्टाइनमा घिच्चाएर पुर्याइदिनु पर्यो । यो काम … विवेकशील पार्टी, साझा पार्टी र शिवसेना नेपालले मात्रै गर्न सक्ला ! अरू ठूला त सबै त्यस्तै हुन्, सित्तैमा पाए अलकत्रा पनि खाने !
