हे सरकार, सर्वहारा वर्गको उदय नै भोकले भएको हो भन्ने सम्झाउनुपर्छ र ?

प्रक्षेपित रेमिटेन्स १.५ अर्ब रुपैया घटिसकेको छ र विदेशबाट ३ लाख नेपालीहरू फर्केपछि रेमिटेन्सको आम्दानी पातालमा पुग्ने छ | एकहप्ता अगाडी नै प्रगतिशील सरकारका अर्थमन्त्रीले “कर थप्नु पर्ने” भनिसकेका छन् |

सरकारले जनतालाई रोग र भोक दुवैबाट जोगाउनुपर्छ र जनता आफै पनि जोगिने प्रयत्न गर्नुपर्छ | तर सरकारको आन्तरिक सत्ताविवाद साम्यपार्ने लकडाउनलाई वहाना बनाउने नीति निकै महगो पर्ने छ |

खुला सीमानाको डर देखाउने, सीमा पारी फँसेका आफ्नै नागरिकलाई चरमवेवास्था गर्ने, गरीवको राहतबाट आफ्ना कार्यकर्ता रिझाउने तथा दीर्घरोगीहरूको मानवाधिकारको वेवास्था गर्दै उपचारको सुविधाबाट बंचित गर्ने कामको अवधि सकिएको छ |

काठमाडौँलाई बन्धक बनाएर देश करोनाबाट सुरक्षित छ भन्ने सोचले देशको आर्थिक स्वास्थ्य ध्वस्त भएको छ | काठमाडौँ उपत्यकाजस्ता घनाआवादीहरूमा करोना खासै देखिएको छैन | काठमाडौँ नाकाहरूमा ढुवानी बाहेक सबै थोक सील गरेर आन्तरिक गतिविधि संचालनमा ल्याउनु पर्छ |

सरकार तिम्रो भलो होस् |