आस्था र विश्वास

विश्वका अनेकौं विश्वास र आस्थाहरू मध्ये “आफ्नो वारेमा अनुसन्धान गर” भन्ने विश्वको एउटा मात्रै संस्कृति हो – सनातन वैदिक | यो संस्कृतिको विश्वासमा परमतत्वबाट अवरोहण र जीव तत्वबाट परमतत्वमा आरोहण हुने व्यबस्था छ | अर्थात् हिन्दू संस्कृतिको विश्वास जलेवीसरह छ | जुन ठाउंबाट चाखे पनि गुलियो नै भेटिन्छ |

आस्था र विश्वास तेस वखत महत्वपूर्ण र विश्वसनीय ठहरिन्छ जव तिनको स्रोत विकाररहित र अपौरुषेय हो | ऋत अर्थात् परमतत्व, जीव, कर्मफल, धर्म तथा पुनर्जन्म ई तेस्ता विश्वास र आस्था हुन् जसले विश्वलाई निर्देशित गर्छ | आरोहण र अवरोहणको प्रकृतिलाई पूर्णता प्रदान गर्छ | हिमवतखण्डका कन्दराहरू र नदीहरूका किनारामा साक्षात्कार भएको ज्ञानको आस्था र विश्वाससंग जोडिएको विज्ञान अभूतपूर्व | संस्कृत भएकोले सभ्य छ |

आज पनि विश्वका करिव १०० जातिहरू नितान्त जङ्गली अवस्थामा जीवन यापन गरिरहेका छन् | चन्द्रमा पुग्ने, दैनिक १८५००/ डलर पर्ने होटल रूपमा वस्ने, विश्वको सबैभन्दा शक्तिशाली अमेरिकाको राष्ट्रपति, दैनिक ज्याल मजदुरीमा काम गरेर पेट भर्ने वा क्रस भिरेर विश्वलाई इसाई वनाउने सङ्कल्प गर्ने पोप मध्ये को सुखी छन् ? भन्न सकिन्न |

तर पनि मान्छेलाई सुख चाहिएको छ र सुखप्राप्त गर्न सधैं मरिहत्ते गरिरहेको छ | विश्वको सबै सुख आफ्नै नाममा राख्छु र भोग्छु भनेर बौलात्ठीपनमा एकोहोरो कुद्ने मान्छेले संसार भरिएको छ | सुख प्राप्त गर्न “जे पनि गर्ने” थुप्रै मान्छे छन् |