कोरोना संक्रमणबाट अमेरिकाको न्यूयोर्कमा मात्रै १७ हजार ६ सय भन्दा बढीको मृत्यु
कोरोना संक्रमणबाट विश्वमा मृत्यु हुनेको संख्या १ लाख ६० हजार नाघेको छ । त्यस्तै २३ लाख २९ हजार भन्दा बढी मानिस संक्रमित भएका छन् । अमेरिकामा कोरोनाका कारण मृत्यु हुनेको संख्या ३९ हजार नाघेको छ ।
अमेरिकामा पछिल्लो २४ घण्टामा १ हजार आठ सय ८६ जनाको मृत्यु भएको छ । अमेरिकामा संक्रमितको संख्या ७ लाख ३७ हजार ६ सय ९७ पुगेको छ । अमेरिकाको न्यूयोर्कमा १७ हजार ६ सय ८१ जनाको मृत्यु भएको छ ।
अमेरिका पछि सबै भन्दा बढी इटालीमा २३ हजार २ सय २२ जनाको मृत्यु भएको छ भने स्पेनमा कोरोना संक्रमणबाट मृत्यु हुनेको संख्या २० हजार नाघेको छ । फ्रान्समा १९ हजार भन्दा बढी, बेलायतमा १६ हजार बढी मानिसले ज्यान गुमाइसकेका छन् ।