परीक्षणको दायरा बढ्यो, टेकुमा सोमबार  ७६ वटाको नमूना परीक्षण



काठमाडौं । सरकारले प्रत्येक प्रदेशमा एक हजारका दरले पर्सनल प्रोटेक्टिभ इक्वीपमेन्ट(पिपिई) वितरण गरेको जनाएको छ । सोमबार स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता विकास देवकोटाले यस्तो जानकारी दिएका हुन् ।  चीनबाट आइतबारमात्रै स्वास्थ्य सामाग्री ल्याइएको थियो । ल्याइएका सामग्रीहरु सबै प्रदेशमा कम्तीमा हजार सेटको दरले पीपीई, दशहजार माक्स, २० हजार ग्लोभ्स बितरण गरिएको उनले बताए ।

धनगढी, सुर्खेत र विराटनगरमा प्लेनबाट पठाइसकेको र अन्य प्रदेशमा गाडीबाट पठाउने क्रम जारी रहेको समेत उनले जानकारी दिए । उनले चीनबाट आएका सवै मेशिनहरुको जाँच भईसकेको र काम गर्ने अवस्थामा रहेका बताए । त्यस्तै उनले विदेशबाट आएका  ४१ हजार भन्दा बढीको नामावली स्थानीय तहबाट तयार भएर विवरण आएको पनि जानकारी दिए ।  प्रवक्ता देवकोटाले बुटवलमा मृत्यु भएका युवकको कोरोना परीक्षण रिपोर्ट नेगेटिभ आएको बताए ।

अहिलेसम्मको जाँचमा नयाँ कोरोना संक्रमित नदेखिएको उनले जानकारी दिए । त्यस्तै टेकुस्थित राष्ट्रिय जनस्वास्थ्य प्रयोगशालामा एकै दिन ७६ वटा कोरोना संक्रमणको नमुना परीक्षण गरिएको छ । राष्ट्रिय जनस्वास्थ्य प्रयोगशालाले नमूना परीक्षणको दायरा बढाउँदै सोमबार एकै दिन मात्रै ७६ वटा कोरोना संक्रमणको नमूना परीक्षण गरेको हो । प्रवक्ता देवकोटाले अहिलेसम्म ९ सय ९३ वटा नमूना परीक्षण गरिएको र सोमबार मात्रै  ७६ वटाको नमूना परीक्षण भएको जानकारी दिए ।

सरकारले प्रयोगशालाको दायरा फराकिलो बनाउँदै लगेको र  धरानमा नमुना परीक्षण सुरु भईसकेको र सोमबार सम्म १९ वटा नमुना परीक्षण भईसकेको पनि उनले जानकारी दिए । पाटन अस्पतालमा मृत्यु भएका पुरुष र वीर अस्पतालमा मृत्यु भएका एक महिला र एक पुरुषको कोरोना संक्रमणको नमूना परीक्षणको क्रममा रहेको उनले बताए । अहिले सम्म कोरोना संक्रमण देखिएका ४ वटै पोजेटिभ केसको कन्ट्रयाक्ट ट्रेसिङ  गरिएको र उनीहरुका नजिकका परिवारका सदस्य र आफन्तहरुको  हालसम्म गरिएको परीक्षण नेगोटिभ आएको पनि मन्त्रालयले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
भरतपुर अस्पताल भरियो कोरोना सङ्क्रमितले

चितवन । चितवनको भरतपुर अस्पतालमा कोरोना सङ्क्रमणका बिरामीको चाप बढेको छ । जिल्लामा

राजनीतिका नाममा ढाँट्ने, खेल्ने र लुट्नेको नकाव उतारेर शिक्षित युवालाई नेतृत्वमा पुर्याउनुपर्छ

डा. युवराज संग्रौला । सन् १९०९ मा सांघाइमा युथ भन्ने पत्रीका प्रकाशित गर्ने

उदयपुरमा कोरोना सङ्क्रमणबाट एकै परिवारका तीन जनाको मृत्यु

गाइघाट । उदयपुरको त्रियुगा नगरपालिका–२ खैजनपुरगाउँमा कोरोना सङ्क्रमणबाट एकै परिवारको तीन जनाको मृत्यु

कोरोना संक्रमणबाट २३ जनाको मृत्यु, १९१६ जना संक्रमणमुक्त

काठमाडौं । नेपालमा पछिल्लो २४ घण्टामा थप २२८० जनामा कोरोना संक्रमण पुष्टि भएको