कार्यभार सम्हाल्न नवनियुक्त भारतीय राजदूत क्वात्रा काठमाडौंमा

काठमाडौं । नेपालका लागि नवनियुक्त भारतीय राजदूत विनयमोहन क्वात्रा आइतबार काठमाडौं आइपुगेका छन् । गत महिना भारतीय विदेश मन्त्रालयले नेपालका लागि राजदूत नियुक्त गरेका गरेका क्वात्रा सोमबार काठमाडौं आएका हुन् ।

तीन दशकदेखि भारतीय विदेश सेवामा रहेका क्वात्रासँग यसअघि संयुक्त राष्ट्रसंघ, अमेरिका, चीन, फ्रान्स लगायतका मुलुकमा काम गरेको अनुभव छ । राजदूत मन्जिभसिंह पुरीको कार्यकाल सकिएपछि भारतले क्वात्रालाई नेपालका लागि राजदूत नियुक्त गरेको हो । क्वात्राले यसअघि २००६ देखि २०१० सम्म नेपाल स्थित सार्क सचिवालयमा व्यापार, अर्थव्यवस्था र वित्त व्यूरो प्रमुखका रुपमा काम गरेका थिए ।