मलेसियाका प्रधानमन्त्री महाथिर मोहोम्मदले दिए राजीनामा

मलेसियाका प्रधानमन्त्री महाथिर मोहोम्मदले राजीनामा दिएका छन् । प्रधानमन्त्री कार्यालयका अनुसार उनले स्थानीय समय अनुसार दिउँसो एक बजे राजासमक्ष राजीनामा बुझाएका हुन् ।

९४ वर्षीय महाथिर २०१८ मा प्रधानमन्त्री घोषित हुँदा विश्वकै सबैभन्दा जेष्ठ प्रमुखका रुपमा रहेका थिए । त्यतिबेला उनले अरबौँ डलर घोटाला गरेका नाजिब रजकलाई आश्चर्यजनक रुपमा हराएका थिए । महाथिर मलेसियाको राजनीतिक इतिहासका महत्त्वपूर्ण पात्र मानिन्छन् जो यसअघि पनि १९८१ देखि २००३ सम्म प्रधानमन्त्री रहिसकेका छन् ।