सत्तारुढ नेकपाको केन्द्रीय कमिटीको बैठक राष्ट्रिय सभागृहमा सुरु

काठमाडौं । सत्तारुढ नेकपाको केन्द्रीय कमिटीको दोस्रो पूर्ण बैठक सुरु भएको छ । राष्ट्रिय सभागृहमा सुरु भएको बैठकमा अध्यक्ष केपी शर्मा ओलीले प्रारम्भमा उद्घाटन मन्तव्य राख्ने र त्यसपछि अर्का अध्यक्ष पुष्पकमल दाहाल प्रचण्डले राजनीतिक प्रतिवेदन प्रस्तुत गर्ने कार्यक्रम छ । बैठकमा महासचिव विष्णु पौडेलले संगठनात्मक प्रतिवेदन र विधान संशोधन प्रस्ताव प्रस्तुत गर्नेछन् ।

बैठकले स्थायी कमिटीले यसअघि गरेको निर्णयहरु पनि अनुमोदन गर्नेछ । त्यसका लागि १५ वटा समूह बनाइने भएको छ । समूहमा सचिवालयका सदस्यहरु रहन पाउने छैनन् । समूह नेताले २० मिनेटभित्र लिखित प्रतिवेदन प्रस्तुत गर्नुपर्नेछ ।