अग्नि सापकोटाद्वारा सभामुख पदका लागि मनोनयन दर्ता
काठमाडौँ । नेकपाका सांसद अग्नि सापकोटाले सभामुख पदका लागि मनोनयन दर्ता गरेका छन् । संसद् भवन नयाँ बानेश्वर पुगेर सापकोटाले सभामुखको उम्मेदवारी दिएका हुन् ।
सापकोटाको प्रस्तावकमा नेकपा संसदीय दलका उपनेता सुवास नेम्वाङ र समर्थकहरुमा नेकपाका सांसद देव गुरुङ, ओनसरी घर्ती र राजपा सांसद लक्ष्मललाल कर्ण रहेका छन् । मनोनयन दर्तापछि संक्षिप्त प्रतिक्रिया दिँदै सापकोटाले प्रतिनिधिसभाको गरिमा उचो बनाइराख्न भगिरथ प्रयास गर्ने बताए ।
नेकपा स्थायी समिति सदस्य रहेका सापकोटालाई आइतबार बसेको सचिवालय बैठकले सभामुखको उम्मेदवार बनाउने निर्णय गरेको थियो । प्रतिनिधिसभाको रिक्त सभामुख पदको निर्वाचनका लागि संसद सचिवालयले सार्वजनिक गरेको तालिकाअनुसार मंगलबार बिहान ११ देखि २ बजेसम्म उम्मेदवारी दर्ताको समय तोकिएको छ ।
आजैसाढे २ बजे उम्मेदवारीको दर्ता क्रम अनुसार सूची प्रकाशन गर्ने रमाघ १२ गते निर्वाचन गर्ने कार्यतालिकामा उल्लेख छ।
