बुख्याँचा मनुवा



प्रदीप ढकाल ।

डरलाग्दो छ मान्छे
उसको छायाँ मात्रै पनि कहालीलाग्दो छ
उसको प्रतिच्छायाँ मात्रै देख्दा पनि
हजारौँ प्राणी तर्सिन्छन् ….

किन नतर्सिउन् त …
ऊ भर्खरैसम्म चल्मलाइरहेका प्राणीलाई
पलभरमै छिनाउन सक्छ
पानीमा रमाइरहेका जीवलाई
पलभरमै आफ्नो मुखमा लगी टोक्न सक्दछ
आकाशमा उडिरहेका पक्षीलाई
क्षणभरमै समातेर निमोठिदिन सक्दछ …

करोडौँ मानिसलाई एउटै चिहान बनाउन सक्दछ
लाखौँ मानिसलाई घरबारबिहिन बनाई
शरणार्थी बनाउन सक्दछ
हजारौँ चेलीहरुलाई बेश्यालयमा राखी
नारकीय जीवन जिउन बाध्य पार्न सक्दछ
साँच्चि नै डरलाग्दो छ है …

अरुको मात्र होइन
ऊ आफ्नै चिहान पनि आँफै खन्न अभ्यस्त छ
आफ्नै समाजका मानिसहरुलाई
ग्याँस च्याम्बरमा हालेर मारिदिन्छ
विचारका विरोधीलाई
पलभरमै बन्दुकका छर्राले उडाइदिन्छ
व्यापारका अवरोधकलाई
बम र बारुदका धुवाँमा गुम्साइदिन्छ ….

बलिवेदीमा चढिरहेका प्राणीहरु
कसाईखानामा मृत्यु पर्खेर बसेका जीवहरु
जङ्गलमा विचरण गरिरहेका प्राणीहरु
रुखमा आफ्ना बचेरासँग रमाइरहेका पक्षीहरु
एकटक भई हेरिरहन्छन् आफ्ना मृत्यु स्वरुपका मनुवालाई
सुन्दर शरीरमा डरलाग्दो र क्रुर स्वरुप देख्दा
कहालिन्छन सबै प्राणीहरु
अनि डरले काँप्छन् चराचरका असंख्य प्राणीहरु …..

व्यापारिक प्राणी बनेको छ मानव –
आँशु बेचेर सम्पत्ति जम्मा गर्दछ
नाटक बेचेर वैभव कमाउँछ
सपना बेचेर प्रतिष्ठा कमाउँछ
जीवको जीवन बेचेर धन कमाउँछ
आफ्नै समुदायमा निकृष्ट व्यापारी बनेको छ ऊ ….

यी सबै देखेका सृष्टिका अन्य प्राणीहरु
अचम्मित र विस्मातयुक्त नजरले
एकटक भई मनुवातिर हेरिरहन्छन्
मानिसकोे बुख्याँचा नै पनि
पर्याप्त छ – प्राणी जगत् थर्काउनलाई …..

ढकाल पशुपति क्षेत्र विकास कोषका सदस्य सचिव हुन् ।
यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अनलाइन फार्मेसीको जगजगी: अर्को जनस्वास्थ्य संकट !

बजारका अरू मालवस्तुसरह अनलाइन फार्मेसीहरूबाट जथाभावी बिक्री–वितरण भइरहेका संवेदनशील औषधि र त्यसको नियन्त्रणमा

चाडबाडमा सवारीसाधनमा सिट संख्याभन्दा धेरै यात्रु राखे कारबाही

काठमाडौं । सरकारले चाडपर्वका बेला सवारी दुर्घटना रोकथाम तथा यातायातको सहज व्यवस्थापनका लागि

साढे २२ लाख रुपैयाँसहित पक्राउ परेका उपसचिव नेपालविरुद्ध भ्रष्टाचार मुद्दा दायर

काठमाडौं । अख्तियार दुरुपयोग अनुसन्धान आयोगले सापटीको नाममा संस्कृति पर्यटन तथा नागरिक उड्डयन

वैकुण्ठ मानन्धर अन्तर विद्यालय दाैड प्रतियाेगिता भव्यताका साथ सम्पन्न

काठमाडौं । स्वस्थ्य रहि उर्जावान जिन्दगी जिउन ब्यायाम तथा खेलकुदको महत्वपूर्ण भूमिका रहेको