इराकमा शान्ति स्थापनार्थ खटिएका नेपाली शान्ति सैनिकलाई सतर्क रहन सेनाको निर्देशन

काठमाडौं । नेपाली सेनाले इराकमा शान्ति स्थापनार्थ खटिएका नेपाली शान्ति सैनिकलाई सतर्क रहन निर्देशन दिएको छ । सेनाले बुधबार विज्ञप्ति जारी गरी अहिलेसम्म नेपाली शान्ति सैनिक सकुशल रहेका र सतर्क रहन निर्देशन दिएको जानकारी दिएको हो ।

अमेरिकी कारबाहीमा इरानी सैन्य कमान्डर कासिम सुलेमानीको मृत्यु भएपछि अमेरिकी सेनाको बेसक्याम्पमा मिसाइल आक्रमण हुन थालेपछि नेपाली सेनाले इराकको किरकुक र इरविलमा रहेका नेपाली शान्ति सैनिकलाई सतर्कता अपनाउन निर्देशन दिएको हो ।