सरकारले मध्यपूर्वमा रहेका नेपालीहरुको उद्धार गर्ने
काठमाडौं । श्रम, रोजगार तथा सामाजिक सुरक्षा मन्त्रालयले मध्यपूर्वमा रहेका नेपालीहरुको उद्धारका लागि परराष्ट्र मन्त्रालयको अगुवाइमा गृह मन्त्रालय र श्रम मन्त्रालयको समन्वयमा ‘रेस्क्यु’ कार्यक्रम अघि सारेको जनाएको छ ।
मंगलबार मन्त्रालयमा आयोजित पत्रकार सम्मेलनमा श्रम मन्त्री रामेश्वर राय यादवले मध्यपूर्व लगायतका देशमा रहेका नेपाली मजदुरहरुको अवस्थाका विषयमा हरेक अपडेट लिने काम भइरहेको र कसरी उद्धार गर्ने भन्ने विषयमा तीनवटै मन्त्रालयहरुले ‘रेस्क्यु’का लागि योजना बनाइरहेको जानकारी दिएका हुन् ।
उनले श्रम मन्त्रालयका आगामी कार्यक्रमहरुका विषयमा छलफल गर्न पूर्वश्रममन्त्रीहरुसँग बुधबार बैठक बोलाइएको पनि बताए । त्यसैगरी उनलेल कृषकहरुलाई सामाजिक सुरक्षाकोषको दायरामा ल्याउने योजना अघि सािरएको बताएका छन् ।
मन्त्री यादवले कृषकहरुलाई पेन्सनको सुनिश्चिता गर्न र बिमाको दायरामा ल्याउन श्रमिकको दायरामा ल्याउने योजना अघि सारिएको बताए । कृषि मजदूरलाई अन्य श्रमिक सरहको सुविधाको व्यवस्था गर्नका लागि विशेषज्ञहरुको प्राविधिक अध्ययन टोली बनाइएको र टोलीको प्रतिवेदन अनुसार कार्ययोजना बनाएर अघि बढ्ने उनले बताए ।
