अञ्जु पन्त फाउण्डेशनले पर्साको सुगौलीमा माझी समुदायका लागि ३५ वटा घर बनाईदिने
काठमाडौं । गायिका अञ्जु पन्तले दलित माझी समुदायका लागि साढे तीन करोड लागतमा ३५ घर बनाइदिने भएकी छिन् । अञ्जु पन्त फाउण्डेशन मार्फत उनले पर्सा जिल्लाको सुगौली पर्टेवाको १५ कठ्ठा जमीनमा ३५ घर बनाइदिने घोषणा गरेकी हुन् ।
गायिका पन्तले आफूले गीत गाएर ५ लाख रुपैयाँ जम्मा गरेको जानकारी दिँदै बाँकी रकम संकलन गरेर माझी बस्ती बनाउन अग्रसर भएको बताइन् । पर्टेवा पुगेर उनले त्यहाँको दलित बस्ती पानीले डुबाउँदा आफू रातरातभर रोएको स्थानीयसँग बताएकी छन् ।
स्थानीयको दुःख देख्दा आफ्नो मन रोएको भन्दै आफूले सहयोग गर्ने आँट गरेको बताइन् । उक्त समुदायले माछा मारेर र दैनिक ज्याला मनदुरी गरेर जिविको पार्जन गर्दै आएको छ ।
