सुडानमा सैन्य विमान दुर्घटनाग्रस्त, कम्तीमा १८ जनाको मृत्यु



सुडानको सैन्य विमान वेस्ट डार्फर राज्यमा दुर्घटनामा परेको छ। घटनामा चार बालबालिकासहित कम्तिमा १८ जनाको मृत्यु भएको बताइएको छ।

प्रान्तीय राजधानीबाट उडेको पाँच मिनेटमै विमान दुर्घटना भएको हो। उक्त विमानले जातीय समूहबीच हिंसात्मक द्वन्द्व चर्किएको क्षेत्रमा राहत सहयोग पुर्‍याइरहेको थियो।

सेना प्रवक्ता मोहम्मद अल हसनले समाचार संस्था एफपीलाई बताए अनुसार मृत्यु हुनेमा चालक दलका सात जना सदस्यका साथै तीन जना न्यायाधीश र आठ जना सर्वसाधारण छन्।

विमान के कारण दुर्घटनामा परेको हो भन्ने विवरण हालसम्म यकिन हुन सकेको छैन। हसनका अनुसार त्यसबारे अनुसन्धान हुँदै छ।

वेस्ट डार्फरमा भड्किएको दङ्गामा पछिल्लो एक हप्तामा ४८ जनाको मृत्यु भएको छ भने २४१ जना घाइते भएको सुडानको रेड क्रेसेन्टले जनाएको छ। अरब र अफ्रिकी समूहबीच आइतबार रातिबाट हिंसा भड्किएको थियो जून त्यसपछिका दिन पनि जारी नै रह्यो।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
इथियोपियामा पहिरोमा परी एक सय ४६ को मृत्यु

दक्षिणी इथियोपियामा पहिरोमा परी ज्यान गुमाउनेको सङ्ख्या १४६ पुगेको मंगलबार स्थानीय अधिकारीले बताएका

बंगलादेशका विभिन्न सरकारी निकायको वेबसाइट ह्याक

बंगलादेशमा चर्किरहेको आरक्षणविरोधी आन्दोलकाबीच बंगलादेशको प्रधानमन्त्री कार्यालय, केन्द्रीय बैँक र प्रहरीको आधिकारिक वेबसाइटहरू

डोनाल्ड ट्रम्प हाम्रो देशलाई पछाडि लैजान चाहन्छन्ः उपराष्ट्रपति ह्यारिस

बीबीसी । अमेरिकाकी उपराष्ट्रपति कमला ह्यारिसले राष्ट्रपतिको उम्मेदवार बन्न डेमोक्रेटिक पार्टीबाट समर्थन पाएकी

गाजामा हमासको नियन्त्रणमा रहेका दुई बन्धकको मृत्यु

गाजामा हमासले बन्दी बनाएका दुई बन्धकको मृत्यु भएको इजराइली अभियान समूह होस्टेजेज एन्ड