नयाँदिल्लीस्थित एक कपडा गोदाममा आगलागी हुँदा ९ जनाको मृत्यु

भारतको नयाँ दिल्लीस्थित एउटा कपडा गोदाममा आगलागी हुँदा नौजनाको मृत्यु भएको छ । दिल्लीको किरारी क्षेत्रमा रहेको तीन तले भवनको भुँइतलामा रहेको कपडा गोदाममा आइतबार मध्यराति आगलागी हुँदा उक्त घटना भएको हो ।

मृत्यु हुनेमा तीन बालबालिकासमेत रहेका छन् । आगलागी भएको भवनमा सुरक्षाको प्रबन्ध अत्यन्त कमजोर रहेको र एउटा मात्रै साँघुरो भर्याङ रहेको बताइएको छ । खाना पकाउने ग्यास सिलिण्डर पड्केर आगलागी भएको अनुमान छ ।

दुई साताभित्रै नयाँदिल्लीमा आगलागीको यो दोस्रो घटना हो । यसअघि ८ डिसेम्बरमा दिल्लीकै रानी झाँसी रोडमा रहेको पुरानो अनाज मण्डी बजारमा रहेको भवनमा बिजुलीको तार सट भएर आगालागी हुँदा ४३ जनाको मृत्यु भएको थियो । दिल्लीमा आगलागी घटना बढ्दै गएपछि भवनहरुको सुरक्षा प्रबन्धलाई लिएर प्रश्न उठ्न थालेको छ ।