हिन्दुराष्ट्र तथा राजाको विषयमा कमल थापाले कसैसँग पनि सम्झौता गर्ने छैनन्ः गणेश थापा
काठमाडौं । अखिल नेपाल फुटबल संघ एन्फाका पूर्वअध्यक्ष गणेश थापाले नक्कली राजावादीहरुले राष्ट्रिय प्रजातन्त्र पार्टीका अध्यक्ष कमल थापालाई कमजोर बनाएर राजा तथा हिन्दूराष्ट्र पुनस्र्थापना गर्नको निमित्त सहयोग पुग्दैन भन्ने कुरा बुझ्न जरुरी भएको बताएका छन् ।
सामाजिक संजाल फेसबुकमार्फत थापाले सम्पूर्ण देश नै गणतन्त्रमय तथा धर्मनिरपेक्ष भएको अवस्थामा एक्लो व्यक्ति जसले आफ्नो ज्यानै बाजी राखेर यसको निमित्त लड्ने र बोल्ने साहस राख्ने ब्यक्तिलाई सिद्धान्त छोड्यो भनेर हिजो गणतन्त्रवादी र धर्मनिरपेक्षलाई स्वीकारिसकेका व्यक्तिहरुबाट कमल थापाले आफ्नो सिद्धान्त छोडिसक्यो भनेर कुन मुखले बोलिरहेका छन् भनी प्रश्न गरेका छन् ।
उनले यस्ता व्यक्तिहरु कसको इशाराबाट परिचालित छन् भन्ने कुरा बिस्तारै थाहा हुने उल्लेख गरेका छन् । उनले भनेका छन्,‘एउटा कुरा बुझ्न के पनि जरुरी छ भने कमल थापाले हिन्दुराष्ट्र तथा राजा को विषयमा कसैसँग पनि सम्झौता गर्ने छैन भने त्यस्तै यो देशमा शान्ति तथा विकास होस् भन्ने कुरामा पनि तेत्तिकै जिम्मेवार हुनुपर्दछ।’