भ्रष्टाचार नियन्त्रणका लागि अन्तरआत्मादेखिनै तयार हुनुपर्छः मुख्यमन्त्री राउत
जनकपुरधाम । प्रदेश दुईका मुख्यमन्त्री लालबाबु राउतले कार्यालयको भित्तामा भ्रष्टाचार बिरोधी स्लोगन टाँसेर मात्र भ्रष्टाचार उल्मूलन हुन नसक्ने बताएका छन् ।
भ्रष्टाचार विरुद्धको अन्तर्राष्ट्रिय दिवसको अवसरमा अख्तियार दुरुपयोग अनुसन्धान आयोगको बर्दिबास कार्यालयले महोत्तरीको बर्दिवासमा आयोजना गरेको कार्यक्रमलाई सम्बोधन गर्दै मुख्यमन्त्री राउतले यस्तो बताएका हुन् ।
भ्रष्टाचार नियन्त्रणका लागि अन्तरआत्मा देखिनै तयार हुन सबैलाई आग्रह गर्दै मुख्यमन्त्री राउतले रास्ट्रसेवक कर्मचारी इमान्दार हुनुपर्ने बताए ।
उनले कर्मचारिले बाटो नबनाएसम्म नेताले भ्रस्टाचार गर्नै नसक्ने दाबी समेत गरे । समाजिक अवस्थाले समेत भ्रष्टाचारलाई प्रोत्साहन गरेको उल्लेख गर्दै राउतले भ्रस्टाचारीलाई तिरस्कार गर्ने वातावरण बनाउनु पर्ने बताए ।
