स्मृतिको कला मोह

लगाव र रुची भयो भने कुनै काम गर्न मानिसलाई शैक्षिक संस्थामा गएर औपचारिक शिक्षा हासिल गर्नुपर्छ भन्ने छैन । लगाव र रुचीले नै मानिसलाई सफल बनाएका सयौं उदाहरण समाजमा छन् । यस्तैमा पर्छिन् सिन्धुपाल्चोककी स्मृति श्रेष्ठ ।

२०५३ सालमा जन्मिएकी स्मृतिको रुची सानैदेखि कलामा थियो तर औपचारिक शिक्षा भने विज्ञान विषयमा लिइन् अर्थात् उनले विज्ञान विषय लिएर पढिन् । विज्ञान विषयमा स्नातक गरेकी स्मृतिले आफ्नो रुचीको विषय कलालाई पनि निरन्तरता दिएकी छन् । उनको पेन्सिल स्केचमा विशेष रूचि, पोर्टेट ल्यान्डस्केप मनपर्ने शैली छ ।

आयल अन क्यानभास, अक्रैलिक अन क्यानभास, वाटर कलर सिक्दै गरेकी छन् । उनले अहिले आफ्ना कला विभिन्न स्थानमा आयोजना गरिने प्रतियोगितामासमेत भाग लिने गरेकी छन् । उनले यो लगावले अझ शिखर चुमोस् हाम्रो शुभकामना । हेर्नुस् उनको कला