अन्तर्राष्ट्रिय कानुनको दृष्टिले गम्भीर ठहयार्याइएका घटनामा संलग्नहरुलाई माफी दिँदैनौंः प्रचण्ड



काठमाडौं । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले सत्य निरुपण तथा मेलमिलाप आयोगमा पूराना पदाधिकारी दोहोरिन नदिने प्रतिवद्धता व्यक्त गरेका छन् ।

विस्तृत शान्ति सम्झांैता भएको १३ वर्ष पूरा भएको अवसरमा बिहीबार काठमाडौंमा आयोजित कार्यक्रममा अध्यक्ष प्रचण्डले बिगतमा गठन गरिएको आयोगका पदाधिकारीमाथि पीडित पक्षको विश्वास र भरोसा नभएकाले पनि पूराना पदाधिकारी दोहोर्याउन नमिल्ने अडानमा आफू रहेको बताए ।

उनले पीडितहरुको चाहना र सरोकारवाला निकायहरुको पनि सुझावका आधारमा आफू सत्य निरुपण तथा मेलमिलाप आयोगमा नयाँ पदाधिकारी ल्याउने पक्षमा उभिएको बताए ।

प्रचण्डले द्वन्द्वकालका गम्भीर अपराधका घटनामा संलग्नलाई आममाफी दिन नसकिने अडान राखे । उनले अन्तर्राष्ट्रिय कानुन, मानव अधिकारका दृष्टिले गम्भीर ठहयार्इएका घटनामा संलग्नहरुलाई माफी दिन नमिल्ने बताए ।

समाजमा दिगो शान्ति स्थापना गर्न र पीडितलाई न्याय दिन पनि द्वन्द्वकालका गम्भीर अपराधका घटनामा आममाफी दिन नमिल्ने उनको भनाई थियो ।

कार्यक्रममा नेपाली काँग्रेसका नेता कृष्णप्रसाद सिटौंलाले द्वन्द्वपीडितलाई न्याय दिने काममा ढिलाई नगर्न सरकारलाई आग्रह गरे । काँग्रेस नेता सिटौलाले राज्यले द्वन्द्वपीडितलाई न्याय दिन ढिलाई भएको स्विकार गरेर अघि बढनुपर्ने बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नेपाली युवा रोजगारीका लागि बाध्यात्मकरुपले विदेशिनुपर्ने अवस्थालाई अन्त्य गर्छौंः श्रममन्त्री अर्याल

काठमाडौँ । श्रम, रोजगार तथा सामाजिक सुरक्षामन्त्री डोलप्रसाद अर्यालले विदेशबाट फर्किएकालाई नेपालभित्रै रोजगारीको

कुमारीको मनोभावमा आधारित नाटक ‘अग्निच्क्षु’ मञ्चन

  काठमाडौँ । कुमारीलाई जीवित देवीको मान्यता दिइन्छ । निश्चित समय मन्दिरमा बसेपछि

सरकारले एक हजार प्रतिभावान युवालाई फेलोसिप उपलब्ध गराउने

  काठमाडौँ । सरकारले विभिन्न विषय क्षेत्रका एक हजार प्रतिभावान युवालाई ‘फेलोसिप’ उपलब्ध

१० लाख रुपैयाँमा सुरु गरेको बेकरीबाट मासिक २ लाख आम्दानी गर्दै धरानका दुई युवा

धरान ।  ‘देशमा रोजगारीको अभाव र लगानीको वातावरण छैन’ भन्नेहरूका लागि धरानका दुई