बुद्ध एयरको काउन्टर तोडफोड गर्ने सांसद साहमाथि कारबाही नगरे उडान बन्द गर्ने चेतावनी
काठमाडौैं । वायुसेवा संचालक संघले जनकपुरमा बुद्ध एयरको काउन्टरमा तोडफोड र कर्मचारीमाथि अभद्र व्यवहार गर्ने सांसदलाई कारवाही नभए जनकपुर उडान बन्द गर्ने चेतावनी दिएको छ ।
जहाज ढिलो भएपछि बुद्धको काउन्टरमा सांसदको लात्ती प्रहार गरी तोडफोड गरेको विरोध गर्दै संघका अध्यक्ष क्याप्टेन रामेश्वर थापाले विज्ञप्ती जारी गरी दोषीउपर सात दिनभित्र कारवाही हुनुपर्ने माग गरेका छन् ।
जहाज समयमा नआएपछि आक्रोशित राजपाका संघीय सांसद प्रमोदकुमार साहले जनकपुर विमानस्थलस्थित बुद्ध एयरको काउन्टरमा सोमबार दिउँसो तोडफोड गरेका थिए ।