दुईतिहाइ बहुमतप्राप्त सरकारले देशमा आतंक मात्र मच्चायोः सभापति देउवा



काठमाडौं । नेपाली कांग्रेसका सभापति शेरबहादुर देउवाले दुईतिहाइ बहुमतप्राप्त सरकारले देशमा आतंक मात्रै मच्चाएको आरोप लगाएका छन् ।

बिहीबार प्रतिनिधिसभाको बैठकलाई सम्बोधन गर्दै सभापति देउवाले सरकारले संविधानको मर्म अनुसार काम गर्नै नसकेको आरोप लगाएका हुन् ।

‘जनताको सर्वोत्तम हितका लागि नेकपालाई दुईतिहाइ बहुमत दिएका थिए’, उनले भने, ‘तर सरकार न्यायपालिकामाथि हस्तक्षेप गर्न लागेको छ । व्यवस्थापिकलाई खेलौना बनाउन लागेको छ।’ देउवाले सरकारमाथि निगरानी गर्ने संस्था र आयोगहरुमाथि पनि सरकारले हस्तक्षेप गरेको आरोप लगाए ।

संविधानले कार्यपालिका, व्यवस्थापिका र न्यायपालिकाबीच शक्ति पृथकीकरण र सन्तुलनको व्यवस्था गरेको भन्दै उनले भने, “तर, सरकार न्यायपालिकामाथि हस्तक्षेप गर्ने, व्यवस्थापिका संसदलाई आफ्नो खेलौना बनाउने प्रयासमा छ ।”

विकास निर्माणमा सुस्त देखिएको, नेपालको इतिहासमै ठूलो भ्रष्टाचारको घटना पछिल्लो डेढ वर्षमा भएको देउवाले बताए । वाइडबडी काण्ड, सुन काण्ड, बालुवाटारको जग्गा काण्ड भएको भन्दै सम्पूर्ण राज्यसंरचनाको भ्रष्टिकरण गर्ने काम भएको देउवाले बताए ।

“भ्रष्टाचारको कुनै पनि मुद्दामा कसैलाई उन्मुक्ति दिनु हुँदैन । छानविन आवश्यक छ । त्यसका लागि प्रतिपक्षीको सहयोग रहनेछ,” उनले भने ।

सरकारले प्रजातन्त्रविरुद्ध काम गरेको बताउँदै फेरि लड्नु पर्ने अवस्था आएको उनले बताए । उनले भने, ‘जनताको ढाड सेकिँदा पनि सरकार चुप बसेको छ। जनताका पीडा बुझ्नेतर्फ ध्यानै दिएको छैन।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सुन तस्करी प्रकरणमा गोरेसहित ६ जनालाई जन्मकैदको फैसला, प्रहरीलाई सफाई

विराटनगर । मोरङ जिल्ला अदालतले साढे ३३ केजी सुन तस्करी काण्ड र सनम

हिमाली जिल्लामा दसैँअघि अधिवेशन गर्ने कांग्रेसको निर्णय

काठमाडौं । नेपाली कांग्रेसले हिमाली जिल्लामा दसैँअघि अधिवेशनका कार्यक्रम गर्ने निर्णय गरेको छ

सरकारी छात्रवृत्तिमा बूढानीलकण्ठ स्कुलमा पढ्ने अवसर

काठमाडौँ । नेपाल सरकार शिक्षा तथा विज्ञान प्रविधि मन्त्रालयले  सरकारी छात्रवृत्तिमा बूढानीलकण्ठ स्कुलमा विद्यार्थीहरुलाई

अलमलिएको नेपाली डेरी क्षेत्र

निरन्जन तिमिल्सेना, पाेखरा, वर्ष २०७७ नेपालको समग्र क्षेत्रको विकासको लागी बिर्सनलायक बर्ष रह्याे