ठूलो संख्यामा कर्मचारी भर्ना खोल्ने लोकसेवा आयोगको तयारी
काठमाडौं । लोक सेवा आयोगले उपसचिव र सहसचिवको भर्ना खोल्ने तयारी गरेको छ । दुई वर्षदेखि अवरुद्ध हुँदै आएको कर्मचारी भर्ना प्रक्रियालाई खुलाउँदै आयोगले बुधबार विज्ञापन गर्न लागेको हो ।
आयोग स्रोतका अनुसार विभिन्न सेवा समूहअन्तर्गत झण्डै एक सय सहसचिव र तीन सय उपसचिवको भर्ना खोल्न लागेको हो ।
संघीय मामिला तथा सामान्य प्रशासन मन्त्रालयका अनुसार विभिन्न मन्त्रालय तथा निकायका करीब ७ हजार कर्मचारीको दरबन्दी रिक्त छ ।
जसमध्ये १ सय ६३ सहसचिव, ३ सय उपसचिव, ६ सयको संख्यामा शाखा अधिकृत र ६ हजारको हाराहारीमा नायब सुब्बा र खरिदार छन् । मंगलबारसम्म सबै संख्याको टुंगो लगाउन सके बुधबार विज्ञापन गर्ने तयारी गरेको बताइएको छ ।
