डा. दंगालद्वारा भर्चुअल मिटिङको १०० औ श्रृङ्खला भव्य रुपमा सम्पन्न
प्राध्यापक एवं अर्थशास्त्री डा.दिलनाथ दंगालले गत बर्ष नेपालमा कोरोना कहरका कारण बन्दाबन्दी सुरु भएको समयबाट विविध विषयमा आफुले सञ्चालन गरेको जुम मिटिङको १०० औ श्रृङ्खला नेपालका बिभिन्न विश्वविद्यालयका उपकुलपति, रजिस्टार, डीन, विभिन्न विषयका विभागीय प्रमुखहरु, प्राध्यापकहरु, शिक्षाविद, पत्रकार लगायत काठमाडौं भित्र र बाहिरका शिक्षासंग सम्बद्ध व्यक्तित्वहरुको संलग्नतामा एक भव्य वेबिनार सम्पन्न गर्नुभयो ।
उक्त कार्यक्रममा नेपाल खुल्ला विश्वविद्यालयका नवनियुक्त उपकुलपति प्रा.डा.इन्द्र बहादुर कार्की, त्रिभुवन विश्वविद्यालय व्यवस्थापन र मानविकी संकायका डीनहरु प्रा.डा.डिल्लीराज शर्मा र प्रा.डा.कुसुम शाक्यले कोरोनाका कारण सबै विश्वविद्यालयका कार्यक्रम र गतिविधिहरु प्रभावित भएको र यस्ता महामारीको समयमा शिक्षण सिकाईलाई निरन्तरता दिन सोही अनुसारको पाठ्यक्रम र मूल्याङ्कन विधि हुनुपर्नेमा जोड दिनुभयो र कोरोना कहरका आफ्ना आर्जित अनुभवहरु सुनाउनु भयो ।
शिक्षाविद प्रा.डा. मन प्रसाद वाग्लेले डा.दिलनाथ दंगालले सञ्चालन गरेका कार्यक्रमहरु आफूले नजिकबाट नियालेको बताउँदै सबै श्रृङ्खलाहरु उत्कृष्ट र सराहनीय रहेको बताउनुभयो ।
कार्यक्रममा मन्तब्य राख्ने सबै वक्ताहरुले देशभरिका यति धेरै विद्वानहरुलाई एउटै मञ्चमा ल्याएर डा. दंगालले एक उदाहरणीय र अनुकरणीय काम गरेको भन्दै उहाँको प्रशंसा गर्नुभयो ।
सोही कार्यक्रममा आफ्नो छोटो भनाइ राख्दै जनता टिभीमा शिक्षाका कुराका कार्यक्रम निर्माता एवं प्रस्तोता नारायण आचार्यले डा. दंगालले करिब १५ महिनाको समयमा यति धेरै विद्वान व्यक्तिहरुका बिच बहस र अनुसन्धान सम्बन्धी १०० औ श्रृङ्खलासम्म भर्चुअल मिटिङको आयोजना गर्नु असाध्यै सराहनीय रहेकाे बताउदै उहाँलाई बधाई एवं शुभकामना समेत दिनुभयो ।
विश्वविद्यालयहरूमा कोरोनाको असर, शिक्षा सहजीकरणमा विश्वविद्यालयहरुको अनुभव विषयक वेबिनारको संयोजन र सञ्चालन डा. दिलनाथ दंगाल स्वयंले गर्नुभएको थियो ।
