जुर्मुराई उठ
जुर्मुराई उठ
सिमेन्टको कुलोमा पानी
सलल बगेको अवाज
कति राम्रो छ
जग भने कमजोर
भूकम्पले हल्लाएको ढुंगा जस्तो
कुन दिन शर्बनास मासिने हो
चिन्ताले थलिएर बस्नु छ
उत्तरबाट राजनैतिक तालिमको पहिरो
दक्षिणको उपहार जलमग्न तराई गाउँहरु
माटो मिसिएको सिमेन्टको बाँध
कति थेग्ला
कुन दिन सबैलाई बगाउने हो
मनमा त्रास लिएर जिउनु छ
यो समृद्धिको बालुवाको बाँध
यो समाजबाद उन्मुख कमाऊ राजनीति
बहुदलिय अठ्परिया जनवादको दर्शन
अगाडी अगाडी लम्कदैछ
भ्रस्टाचारको महाभूकम्पले हल्लाएको घर जस्तो
यो हाम्रो देश
इमानका नारा बोक्ने
बेइमान हरु को लुट बाट सिथिल हुदैछ
चुपो लाग्ने बेला गइ सक्यो
अब जुर्मुराई उठ्नु छ
डा. प्रकाशचन्द्र लोहनी ।
